«Медициналык айым иши» адистиги боюнча мамлекеттик стандарттарды кайра кароо боюнча жумушчу топтун жыйыны өттү

Бишкек шаарында КМКАнын 20.11.25 №18-25 буйругунун негизинде 3-5-декабрь күндөрү «Медициналык айым иши» адистиги боюнча пилоттук эксперименталдык программаны жыйынтыктоо жана анын оң жыйынтыктарын азыркы учурда окутулуп жаткан базалык окуу планына интеграциялоо боюнча жумушчу топтун жыйыны өткөрүлдү.

Иш-чаранын негизги максаты — эксперименталдык программадагы жакшы тажрыйбаларды жана компоненттерди КР Министрлер Кабинетинин №371 токтомуна ылайык түзүлгөн Мамлекеттик билим берүү стандартына шайкеш келтирилген жаңыланган окуу планга киргизүү болуп эсептелет.

Жыйынга катышкан тараптар:

•  Саламаттык сактоо министрлигинин өкүлдөрү;
•  иш берүүчүлөр жана клиникалык насаатчылар;
•  Профессионалдык ассоциациянын өкүлдөрү;
•  ОшМУнун бакалавриат жана ВСО программаларынын окутуучулары;
•  бардык медициналык колледждер (Zoom аркылуу).

Талкууда белгиленген артыкчылыктар:

•  практика-багытталган окутуу модели;
•  эл аралык билим берүү мейкиндигине интеграция;
•  клиникалык насаатчылар институтунун өнүгүшү;
•  салттуу жана инновациялык пландарды айкалыштыруу;
•  Евразия чөлкөмүндө атаандаштыкка жөндөмдүү жогорку квалификациялуу адистерди даярдоо.

Жыйынтыгында активдүү катышкан адистерге КМКА тарабынан «Медайымдык билим берүү программасынын эксперти» сертификаттары тапшырылды.