2025-жылдын 30-август күнү Кыргызстандагы медициналык колледждердин ассоциациясы тарабынан «Жаңы 2025–2026-окуу жылында КМКАнын ишинин негизги аспектилери» темасында август конференциясы уюштурулду.
Иш-чарага өлкөнүн бардык аймактарындагы медициналык колледждердин директорлору, окутуучулар жана тармактык адистер катышышып, жаңы окуу жылындагы билим берүү процесстерин өркүндөтүү жолдору талкууланды.
Орто медициналык билим берүүнүн сапатын жогорулатуу жана заманбап стандарттарга шайкеш окутууну камсыз кылуу;
Санариптик билим берүү технологияларын, анын ичинде «Мээрбан» тиркемесин окутуу процессине интеграциялоо;
Студенттердин практикалык көндүмдөрүн жогорулатуу үчүн медициналык мекемелер менен тыгыз кызматташуу;
Окутуучулардын кесиптик чеберчилигин жогорулатуу жана квалификациялык курстарды өткөрүү;
Ассоциациянын алкагында колледждер аралык тажрыйба алмашууну күчөтүү.
Конференцияда ошондой эле медик-окутуучулардын эмгек акысын жогорулатуу маселеси өзүнчө каралып, билим берүүнүн сапатын көтөрүү үчүн окутуучулардын социалдык абалын жакшыртуу маанилүүлүгү белгиленди. Бул багытта Ассоциация жана тиешелүү мамлекеттик органдар биргелешип иш алып баруу зарылдыгын билдиришти.
Конференциянын жүрүшүндө жаңы окуу жылына карата бир катар сунуштар кабыл алынып, медициналык билим берүүнү өркүндөтүүдө бирдиктүү аракеттерди көрүү зарылдыгы белгиленди. Кыргызстандагы медициналык колледждердин ассоциациясы алдыдагы 2025–2026-окуу жылында билим сапатын жогорулатып, студенттерди заманбап талаптарга жооп берген адистер катары даярдоо жана окутуучулардын эмгегин татыктуу баалоо багытында иш алып баруу чечими кабыл алынды.
Орто медициналык билим берүүнүн сапатын жогорулатуу жана заманбап билим берүү стандарттарын киргизүү;
Санариптик билим берүү технологияларын, анын ичинде «Мээрбан» тиркемесин окутуу процессине интеграциялоо;
Студенттердин практикалык көндүмдөрүн чыңдоо үчүн медициналык мекемелер менен кызматташтыкты кеңейтүү;
Окутуучулардын кесиптик чеберчилигин жогорулатуу жана квалификациялык курстарды уюштуруу;
Колледждер ортосунда тажрыйба алмашууну күчөтүү жана бирдиктүү билим берүү мейкиндигин түзүү.
