Бишкек медициналык колледжинин коомдук илимдер негиздери циклынын жаш окутуучусу Алыбаев Адылбек Шайлообекович 2022-жылы 28-майында И.Арабаев атындагы КМУда өткөн Көз карандысыз мамлекеттердин шериктештигинин ll - Эл аралык китеп басмасы конкурсунда "Мыкты педагог - 2022" наамын татыктуу жеңип алды. Алыбаев Адылбек бул сынакка "Заман чакырыгы же окутуучуну ойлонткон көйгөйлөр" аттуу доклад менен эрежеге ылайык онлайн форматта катышты. КМШ өлкөлөрүнөн катышкан талапкерлердин ичинен он алты илимий доклад тандалып финалдык кароодон өтүп, конференцияда мыкты деп таанылып , ll - Эл аралык китеп басмасынын атайын тандалма жыйнагына кирди. Кыргыз Республикасынан катышкан элүү илим изденүүчү жаш окумуштуулардан, бул жыйнакка үч илимий иш катталганын маалымдайбыз. Жыйынтыктоо конференциясы салттуу (офлайн) форматта өтүп , калыстардын чечими менен тандалган жеңүүчүлөрдү сыйлоо аземи шаңдуу маанайда болуп өттү.
