2025-жыл 7-июль — Кыргызстанда орто медициналык билим берүүдө жаңы баскычты баштаган “Медициналык айым иши” адистиги боюнча пилоттук программанын жыйынтыгын боюнча Б.Скеласавич, Г.Орозалиева, А.Мамбетова, КМКАнын төрагасы жана пилоттук колледждердин директорлору менен онлайн жыйын болуп өттү.
Иш-чараны Кыргыз Республикасынын Саламаттыкты сактоо министрлиги, Билим берүү жана илим министрлиги жана Кыргызстандагы медициналык колледждердин Ассоциациясы биргеликте уюштурушту.
Программа 2022-2025-жылдар аралыгында ишке ашырылып, анын негизги максаттары төмөнкүлөр болду:
✅ Орто медициналык билим берүүнү эл аралык стандарттарга жакындатуу;
✅ Студенттердин кесиптик жөндөмдүүлүктөрүн практикалык шартта чыңдоо;
✅ Медайымдык билим берүүдө заманбап педагогикалык технологияларды жана IT чечимдерди колдонуу.
Жыйындын жүрүшүндө төмөнкү темалар талкууланды:
📚 Программанын ишке ашуу этаптары жана ал аркылуу жетишилген жыйынтыктар;
👩⚕️ Студенттердин окуудагы жетишкендиктери жана практикадан алган тажрыйбалары;
👩⚕️ Окутуучулардын, клиникалык насаатчылардын ой-пикирлери;
🌐 Электрондук билим берүү платформаларын жана санариптик ресурстарды колдонуу натыйжалуулугу;
📝 Программанын кемчиликтери жана аларды жоюу боюнча сунуштар.
“Бул программа медайымдык билим берүүнүн сапатын жогорулатууга чоң салым кошту. Студенттердин практикалык көндүмдөрү кыйла жакшырып, алардын кесиптик даярдыгы жогорку деңгээлге чыкты,” — деп белгилешти окуу жай жетекчилери.
“IT технологиялардын киргизилиши окутуу процессин дагы да натыйжалуу кылды. Мындай инновациялык ыкмалар мындан ары да өнүгүшү керек,” — деп кошумчалашты окутуучулар.
Иш-чаранын жыйынтыгында катышуучулар пилоттук программаны өлкө боюнча толук масштабда киргизүү сунушун билдиришти. Ошондой эле медайымдык билим берүүнү өркүндөтүү боюнча бир катар иш-чаралар жана сунуштар иштелип чыкты.
Кыргызстандагы медициналык колледждердин Ассоциациясы мындай жыйындарды үзгүлтүксүз өткөрүп, медициналык билим берүүнү өнүктүрүүгө активдүү салым кошо берерин билдирди.
Маалымат үчүн: Пилоттук программа Европа жана Дүйнөлүк саламаттык сактоо уюмдарынын сунуштарынын негизинде иштелип чыгып, Кыргызстандын 5 медициналык колледжинде сыноодон өткөрүлгөн.
